Axborot-kutubxona katalogi va fondi

Ushbu oʻquv qoʻllanma Axborot-kutubxona muassasalarining kataloglari, Axborot-kutubxonalar ish faoliyatida ularning tutgan oʻrni, katalog turlari, tasvir prinsiplari, hujjatlarga ishlov berish, sistemalashtirishning nazariy asoslari, tarixiy negizlari haqida tushuncha beradi. Xususan, kutubxona-bibliografik klassifikatsiyalarining vujudga kelishi: Universal oʻnlik klassifikatsiyaning yaratilishi, Oʻzbekiston Respublikasi kutubxona-bibliografik klassifikatsiyasi jadvalining tuzilishi, u bilan ishlash metodikasi masalalarini, axborot-kutubxona fondi, uning belgi va xususiyatlari, fondni shakllantirish prinsiplari va jarayonlarini qamrab oladi. Shuningdek, Axborot-kutubxona muassasalarining katalog va kartotekalar tizimini tuzish boʻyicha nazariy va amaliy bilimlar beradi. Ushbu oʻquv qoʻllanma Axborotlashtirish va kutubxonashunoslik yoʻnalishi talabalari uchun moʻljallangan boʻlib, shu jumladan qoʻllanmadan katalog va kartotekalar tizimi bilan faoliyat yurituvchi mutaxassislar, Axborot-kutubxona muassasalari xodimlari foydalanishlari mumkin.